tirsdag 25. mars 2014

Hjortemøte

Eg får større og større respekt for alle dei utruleg dyktige naturfotografane  som tek dei mest fantastiske bilder av dyr og fuglar i sitt rette element. Sjølv har eg vore med på hjortejakt i 20 år og avdi eg berre er jagar og ikkje jeger dreg eg nesten alltid med meg kamera på jakt.  Hjort har eg sett mange gonger både i jakt og tursamanheng, men aldri fått skikkelege bilder av dei.
Sist søndag var eg ein tur i marka med kamera som vanleg i høg beredskap og trefte då på tre hjortar som eg fekk stå og beundre i 10-15 minutt utan at dei såg meg.  Garva naturfotografar og hortejegerar kjem vel til å flire seg ihel av desse bilda dersom dei ser dei, men det bryr eg meg lite om.  Eg hadde ei flott oppleving, og fekk det fyrste nokolunde bilde av ein hjort i sitt rette element.  Det må leggast til at det var skodde i skogen der eg var, så difor er bilda noko diffuse.  Då dei omsider oppdaga meg var det ikkje mange sekunda før dei var borte for godt.



lørdag 22. mars 2014

Turandot

Det er vel ikkje noko musikkstykke eg har høyrt så mykje på som Nessun Dorma av Puccini.  Eg kan høyre det omatt og omatt i alle versjonar med alle dei største tenorane i verda, og eg blir aldri lei.  For omlag eit år sidan fekk eg greie på at Turandot skulle setjast opp i operahuset, og eg har gleda meg kvar dag sidan.  Eg var til stades i Valhall då Richard Fracker hadde konsert der for nokre år sidan og eg hugsar enno kor veggane skalv av begeistring i det gamle ærverdige ungdomshuset.  Aldri har maken til stemme vore innanfor dørene der, og i kveld fekk vi oppleve han i Operahuset. I lag med dei andre strålande solistane, eit fantastisk kor og eit overveldande orkester med ein Michael Pavelich i storform kunne vel kvelden neppe blitt betre.  Maken til jubelbrøl og trampeklapp har eg knapt høyrt i operahuset, det var vel som om Norge hadde vunne 3-0 over England i fotball.  Her kjem ein liten bildekavalkade over premieren.












søndag 16. mars 2014

Solfest i Longyearbyen

Dei fleste lengtar etter sol og varme på denne årstid, pakkar kofferten og dreg til sydlegare breddegrader i vinterferien.  Sidan vi har ein representant  i familien som er fastbuande i Longyearbyen på Svalbard fann vi ut av vi dreg i stikk motsatt retning av det andre gjer, reiser nordover på besøk.  Sola kjem tilbake til sentrum den 8. mars, og heile veka og spesiellt i helga er det mange arrangement ved det høve.  Dette ville vi oppleve og hadde eit tettpakka program i fire dagar.  To snøscooterturar, tre rockekonsertar, cabaret, akekonkurranse/skileik, galleribesøk og fotografering både dag og natt.  Motiva på Svalbard står nærmast i kø for å sleppe inn gjennom objektivet på kameraet, så det var ikkje tid til å kjede seg.  Værmessig kunne det vore noko betre, sola såg vi ikkje mykje til, men temperaturen var behageleg med berre eit par minusgrader.  Her kjem eit utval bilder frå turen, det er vanskeleg å få med alle inntrykka, men gir vel eit visst utval av kva vi fekk med oss.

 


Torsdag kveld var det rockekonsert på "Kroa" i sentrum med Taliban Airways med god stemning og høgt lydnivå, men eg hadde med Malakofføyreproppene mine så det gjekk heilt fint.






Fredag var det debut på snøscooter både for Liv og meg, men Stig Ove er ein habil scootersjåfør, så det gjekk heilt fint.  Det var faktisk fantastisk moro!!



Isbjørn såg vi ikkje denne gongen, men reinsdyr derimot var det overalt.



Vi har sett ein del telehiv her heime og, men maken til telehivet du ser bak scooterane har vi ikkje sett før.  Det lokale namnet er forøvrig Pingo.

Det var to andre scooterdebutantar med på turen, nemleg Eidagutane Bjørn Berdal og Jon Håkon Midthjell som er gamle skulekamerater med Stig Ove. 







Fredag kveld var det konsert med Dum Dum Boys i kulturhuset der det var fullt hus og stormande jubel.  Eg fekk meg forøvrig ein liten prat med endå ein Eidar, nemleg Jarle Kvalsund som er lydteknikar i bandet.












Kombinert snøscooter og gangbru!





Laurdag var det feiring av at sola skulle vende tilbake til sentrum i Longyearbyen og 10 årsjubileet for soluret som Louise Rigozzi hadde konstruert.  Ho er frå Australia og fortalde at det var 42 minusgrader då soluret var innvia.  Det er forøvrig folk frå nesten 40 ulike nasjonar i Longyearbyen.


Fin gamal årgang.


Her er det uteservering i akebakken der det var stor aktivitet med skileik og akekonkurranse for både små og store.










Etter akinga vart det besøk på det fantastiske kunstgalleriet der det er noko for kvar ein smak.




Vi var og ein tur innom idrettshallen som er nesten på storleik med den på Eid.  Der var dei i full sving med å utvide den allereide store klatreveggen.


Laurdag kveld serverte Spitsbergen Revylag  musiklaske perler frå vårt kullager på Huset, det andre kulturhuset i Longyearbyen.  Fantastisk flott song og musikk med lokale tekstar med snert.








Og etterpå var det konsert/dans med Bjørn Tyldum trio der ein del av publikum vart invitert til intimkonsert på scena.





Søndagen var Stig Ove og tre kameratat pluss meg på snøscootertur til Colesbay, ei russisk utskipingshamn for kol som vart nedlagd på byrjinga av 60 talet. Ein kjempeflott tur.


Vi nytta og høvet til å sjekke revefellene til pelsjegeren undervegs på turen, men der var dessverre ingenting.







Helge er ein habil scooterkøyrar og måtte vise litt av kunstane sine til ære for fotografen.