Korkafe Fjelli og Folkestad

Sist laurdag og søndag arrangerte Stårheim songlag korkafe på Fjelli og Folkestad.  Det var to særs vellukka arrangement der publikum møtte fram i hopetal og fylte begge konsertlokala.  I tillegg til Stårheim Songlag og Tastamentet var Frostskoddekoret gjestekor på Fjelli og Fjordafolk gjestekor på Folkestad.  Vi må heller ikkje gløyme dei fantastiske strykarane til kulturskulen i Eid som bidrog som orkester for Stårheim songlag og hadde og fleire eigne innslag.  Desse ungdommane held eit fantastisk nivå som det er ei fryd å høyre på.  Det var og som vanleg mykje god kaffimat på begge stader og åresalet gjekk livleg unna.  Både kora og publikum var svært godt nøgde då dei for heim, så det kan godt bli fleire besøk av Stårheim songlag på begge stader.  Her kjem eit lite knippe bilder frå begge stadane.

Varetelling 2012

For oss som har butikk går ein god del av dagane rundt nyttår med til varetelling og ein skal då prøve og få med seg alt ein har av deler og utstyr i hyller og reolar.  Litt enklare er det med varetelling i fotomappene.  Det er heilt utenkjeleg og vise fram alle dei mange tusen bilda eg har teke i løpet av fjoråret.  Her kjem likevel eit lite knippe bilder i vilkårleg rekkefylgje frå noko av det eg opplevde i året som er gått som ferieturar til Svalbard, Madeira, konsertar i operahuset og Malakoff, kong Audbjørn mm.



Godt Nyttår!

Det er etterkvart blitt tradisjon for meg og fotografere nyttårsrakettane frå moloen i hamna i Eid sentrum, og med desse bilda frå i går kveld vil eg ynskje alle kjende eit Godt Nyttår!