Ut mot havet

Søndagsturen gjekk idag til Selje og Stadlandet og sjølv om det var litt grått i været var det ein fin tur med mange fine motiv.  Tykte at bårene som slo oppetter berget i Skårbøstranda var spesiellt fint.  Her kjem ein liten kavalkade frå dagen.



Bremangerbilder

Sist helg brukte vi fineværet til å ta ein tur på nyevegen mellom Ålfotedalen og Kolset samt til Kalvåg.  Her kjem ein liten bildeserie frå turen.



17 mai 2013

Årets 17 maifeiring vil vel gå inn i historia som noko av det flottaste vi har opplevd.  Etter veker og månader med kjølig vær, slo endeleg sommarvarmen til for fullt.  Det var berre blide og nøgde folk og sjå over alt i barnetoget som  hadde ei ramme som teke ut av det finaste prospektkort.  Etter barnetoget gjekk ferda mi vidare til Stårheim og feiringa der ilag med Stårheim Songlag.  Turen gjekk så til Hjelle for å få med meg Alexa Rogdo Melheim si 17 mai tale.  Ho må vel med sine 12 år være blant dei yngste 17. mai talarane i landet, noko ho gjennomførte med glans både i ord og tonar.  Avslutninga på dagen for min del var tappenstreken om kvelden og det er etterkvart blitt ein folkefest og eit  høgdepunkt eidarane er åleine om i heile landet.  Det tek litt tid å gå gjennom bildesamlinga etter ein slik dag, men her kjem noko av det eg opplevde i løpet av dagen. 



 

Nåleis 2

Sjølv ein ihuga isentusiast som meg måtte tilslutt gje tapt for mildveir og issmelting.  Det er likevel mindre enn ei veke sidan eg låg og kraup nede i fjæresteinane for å foevige dei glassklare krystallane som låg og flaut i vatnet.  Linerla gjekk og spankulerte på iskanten i håp om å finne noko godt i nebbet, og meir skal det ikkje til for å underhalde meg  i lange baner.