Jomentum, Ytre Suløen og Tricia Boutte

Sist fredag kveld var det konsert i Eidskyrkja med koret Jomentum frå Florø, Ytre Suløen Jazzensemble med songsolist Tricia Boutte.  Vi som var til stades fekk servert ein flott konsert med kjende tonar av eit dyktig blandakor og dei fantastiske musikarane i Ytre Suløen som har hatt ein god del utskifting sist året.  Sist men ikkje minst var Tricia Boutte eit fyrverkeri med ei stemmeprakt  som fryda øyrene, og ei utstråling som er ein draum for ein fotograf.  Eg har vore på fleire konsertar med Tricia før, men no på fredag var du "best ever" Tricia, det var synd at ikkje meir enn knappe 70 hadde funne vegen til konserten.  Her kjem nokre glimt av det eg fanga opp med kameralinsa.



Inspirasjon

Ein av dei som hadde foredrag på Stranda forrige helg var Terje Hellesø, ein av nordens beste naturfotografar.  No er det ikkje berre positiv omtale som har blitt skrive om han siste året utan at eg vil skrive noko meir om det her.  Eg vart i alle høve mektig imponert og inspirert av bilda han viste og foredraget han heldt, så forrige laurdag ettermiddag måtte eg berre avgarde med kamerasekken på ryggen for å sjå om eg fann inspirasjon i det fine haustværet.  Her er resultatet:



Fotoustilling Stranda

Stranda fotoklubb arrangerte forrige helg fotoutstilling der og nokre av Nordfjord fotoklubb sine medlemar deltok med bilder.  I tillegg var der workshops og foredrag av kjende fotografar og då vart freistinga for stor, og Liv og eg tok turen til Stranda fredag kveld for å få med nokre av arrangementa.
Her kjem nokre glimt frå fotoutstillingane.
Ps: Eg har vore temmeleg frustrert siste veka på grunn av at lagerplassen på bloggen min har vore overfylt, og eg har ikkje lyst til å slette noko av det eg har lagt ut.  No er det i orden og eg kan heldigvis legg ut bilder på bloggen min igjen.



Korkafe i Valhall og Hennebygda

Det har vore ei helg med mykje kulturaktivitetar, og blant dei arrangerte Stårheim songlag korkafe i Valhall på laurdag og i Hennebygda på søndag.  Korkafear har mange positive element i seg.  Kora får presentere programmet sitt for publikum som i gjen får god underhaldning, kaffi og kaker og bite i og anledning til å kjøpe årar på loddsalet.  Dessutan blir det og tid til ein god drøs over bordet.   Her kjem nokre glimt frå begge arrangementa. 



Sigrid Moldestad

Fredag kveld hadde operahuset besøk av Sigrid Moldestad med musikarar, og eg har litt problem med å finne ord som dekkjer den opplevinga det er å sitje i salen med slike kunstnarar på scena.  Det næraste eg kjem på er magisk.  Sigrid trollbind sitt publikum på ein heilt særeigen måte med  blendande felespel, vakker song, nydelege melodiar og tekstar og eit herleg samspel med sine dyktige medmusikarar. Det var heilt tydeleg at publikum storkosa seg i dei knappe to timane konserten varde der det veksla mellom latter og tårer, skjemt, alvor og herleg direkte kontakt med publikum.  Sigrid, det er ikkje vanskeleg å trille terning etter dette, den har seks prikkar på alle sider, du er hjarteleg velkoma tilbake ved ei seinare anledning.  Det finst ikkje bilder som kan gjenskape ei slik forestilling, men her kjem nokre glimt frå konserten.