søndag 19. april 2015

X2 2015

For fjerde året på rad tok eg turen til Volda for å få med meg Longboardkonkurransen under ekstremsportveka der.  Eg har ikkje eingong gjort forsøk på å få oversikt over alle arrangementa som går av stabelen rundt om i distriktet, men det er i alle fall hektisk aktivitet både på bakken og lufta.  Det var noko ferre deltakarar blant dei som kjem susande i svimlande fart ned gjennom byggefeltet på ei fjøl med hjul på, men det var likevel ei god "treningsøkt" med kameraet.  Det er alltid ei utfordring og fange motiv som er i rørsle, og til større fart til verre er det.  Her kjem noko av dagens fangst, og fleire blir det etterkvart som eg har fått redigert dei.






























fredag 17. april 2015

Good evening Nordfjordeid

Etter tre månader med frustrasjon og bloggtørke, har eg endeleg fått bloggen opp og gå igjen.  Eg kunne skrive ei heil avhandling om PC en som fekk eit ublidt møte med golvet, ny PC med oppdatering av program og nye passord og eit sabla strev med å logg meg inn på bloggen.  No har eg endeleg fått det til, og den fungerar faktisk betre enn nokon gong, så det går framover.  Eg kjem likevel aldri til å slutte å undre meg over  dataalderens utrulege og kompliserte krokvegar som blir berre verre og verre ettersom tida går.  Nok om det, eg er på bloggern igjen, og har tenkt no i denne omgang å legge ut en del bilder som eg tidligare har lagt ut på Facebook.  Det er ikkje alle som har mogelegheit til å sjå bilda der, så difor blir dei same bilda lagt ut her på bloggen.
Fyrst ut er bilda frå årets russerevy, Good evening Nordfjordeid, ei strålande forestilling av elevane på Eid vidaregåande skule.  Eg seier ikkje meir, bedøm sjølv.