THE JOHNNY CASH&JUNE CARTER SHOW I OPERAHUSET

Sist Fredag var det duka for Countryshow i Operahuset.  Det var musikken til Johnny Cash og June Carter som var framført denne kvelden. Ein fullsatt operasal med publikum frå fjern og nær tok imot musikarane då dei entra scena.  Det vart ein strålande konsert der kjende og kjære melodiar kom som perler på ei snor. Publikum var tydelegvis godt nøgde med det som vart servert for musikarane fekk ståande trampeklapp etter siste nummer.  Nok ein vellukka konsert i Operahuset.  Eg hadde sjølvsagt med kamera, og her kjem eit utval av bilda eg tok under konserten.  Eg har og lagt ut ein del bilder på Facebooksida mi.

THOMAS DYBDAHL I OPERAHUSET

Fredag kveld var Thomas Dybdahl med band og heldt konsert i Operahuset.  For meg er dei relativt ukjende  musikarar, men det var absolutt ikkje bortkasta å ta turen.  Fantastiske musikarar alle i hop med fengande og litt uvande og ukjende rytmer tok salen med storm.  Publikum gav tydeleg respons på det dei høyrde med stor applaus og heiarop etterkvart som konserten skreid fram.  Det var sjølvsagt ein god del bilder på konserten, og eg har valgt ut og redigert ein del og lagt ut på Facebook, og her kjem resten av det eg tykte var brukande.

LOTHEPUS

Heimturen frå Haugesund gjekk for meg i eit heilt framandt landskap der eg aldri har vore før.  Fjordar, fjell og dalar passerte vindauga på bussen som ein film for augo, så eg hadde knapt tid til å blunke for å få med meg alle inntrykk.  Etter nokre mil  havna vi i Odda, der det var stopp for synfaring på ein stor attraksjon: Campingplassen og stavkyrkja til Lothepus.  Det var ei imponerande oppleving.  Å vandre inne i stavkyrkja og rundt om blandt campinghyttene var som å skrue tida fleire hundre å tilbake i tid.  Eit imponerande handtverk med trearbeid og steinmuring var utført med profesjonelle hender av folk som verkeleg hadde greie på kva dei heldt på med.  Dette er ein attraksjon som verkeleg er verdt eit besøk dersom du er på dei kantar.  Under "synfaringa" på anlegget trefte vi plutseleg på fru Lothepus som heldt på med vasking av ei av hyttene.  Ho tykte at Reidar såg ut som ein skikkeleg arbeidskar, og heldt på å gje han fast arbeid på flekken.  Ferda gjekk vidare nordover langs smale fjordarmar og tusenvis av frukttre.  Det vart og tid for ein stopp med kaffipause med noko attåt.  Heile turen har vore ei fantastisk oppleving, og vi vil takke Kjølsdalen Sanitetsforening for eit utruleg profesjonelt opplegg frå fyrst til sist.  Vi håpar at det vil by seg fleire anledningar til å bli med på tur.  Her kjem nokre bilder frå stavkyrkja og campingplassen til Lothepus.

HAUGESUND OG OMEGN

Turen til Haugesund/Stavanger var ikkje berre "raka vegen".  Tryllekunstnaren av ein sjåfør losa oss gjennom smale og trange bygater i Bergen, til utkiksplassar og severdigheiter i området rundt Haugesund og til Skudesneshavn.  Mange av oss hadde ikkje vore på desse stadane før så augene jobba på høggir heile vegen for å få med seg alt vi for forbi.  God mat er og ein viktig del av ein slik tur og både magen og augene fekk forlyste seg på nydeleg servering over alt der vi for fram.  Eg tykkjer det er spanande å forevige ein del av det vi får servert, så eg legg og ved litt bilder av menyane.  Vi var og innom Revmatismesykehuset i Hugesund der vi hadde omvisning og foredrag av direktøren Kari Nådland og fekk servert ein velsmakande lunsj.  Her kjem ein bildeserie av litt av det eg greidde å feste på bildebrikka undervegs.