X2 2016

Den årlege X2 festivalen går av stabelen i og rundt Volda denne helga, og tradisjonen tru måtte eg ta ein tur for å "trene" litt med kamera på bevegelige motiv.  Det var Longboardkonkurransen eg konsentrerte meg om, men stakk og innom X skate på heimturen.  Dessverre hadde dei avlutta for dagen, men eg fekk knipsa nokre treningsaktivitetar.  Her er resultatet av Voldaturen i dag.

Åsane

Sist søndag kveld gjekk eg ein av yndlingsturane mine, frå Lotsberg og til Åsane.  Nydeleg vær, solnedgong i fjella, flott utsikt og turr og fin sti.  Det blir neppe noko særleg betre.  Eg har gått der fleire gonger før, og er like fasinert kvar gong over det arbeidet som er lagt ned i vegen som går inngjennom bratte fjellsida.  Har du aldri gått der før kan eg anbefale turen på det varmaste.  Som vanleg var kameraet med på turen, og her kjem nokre glimt av det som kom inn gjennom kameralinsa.

På jakt etter nordlys

Eg har ein app på mobiltelefonen som varslar meg når det er nordlys.  I går kveld var det fullt utslag  på nordlysvarselet, og sidan det var helg og fineveir, køyrde eg ein runde rundt om i nærområdet for å jakte på nordlyset.  Det var ikkje dei aller beste forholda, men etter å ha køyrt rundt omkring eit par timar i nattens mummel og mørke returnerte eg heim med i alle fall nokon brukbare bilder. Her er resultatet.

Påskevind

Påskeværet har vel ikkje vore av det mest strålande i år, med både vind og regn.  Det har likevel vore nokre glytt innimellom, og i går var eg ein runde for å fotografere vinden på Hornindalsvatnet.  Det er alltid fasinerande å sjå korleis vinden slær ned frå fjellet, tek tak i båretoppane og set vatnet i eit einaste rok. Her kjem nokre av vindbyene eg fekk med meg.  Det er mange som er lei av vinter og snø og vil ha vår no.  Vi er likevel veldig tidleg ute, og eg puttar på nokre bilder med dato på som viser stoda for tre år sidan då isen var 50 cm tjukk og vi gjekk på ski på isen til langt ut i april.  Siste isflaka forlot vatnet 5. mai.

Ha ein fin vår.

Høgskulen i Volda

Sist torsdag fekk Operahuset besøk frå Høgskulen i Volda med både klassisk orkester og fleire kombinasjonar av Rockegrupper.  Eg hadde fylgt med på førehandsalet av billettar, og dagen før var det ikkje seld ein einaste billett.  Nysgjerrig og interessert som eg er tok eg likevel turen til Operahuset, og vart på ingen måte skuffa over det som var framført frå scena.  Vi var 4 betalande frammøtte pluss ein del som hadde gratisbilett og stemninga blant det fåtallige publikum var upåklageleg.  Eit lite tips til arrangøren: litt betre marknadsføring hadde nok hjelpt.   Eg fekk meg også ei fin "treningsøkt" med kamera, og her er resultatet av min kveld på Sunnmørsk rockeklassisk konsert.