Eg har vel så vidt nemt før at fine gråsteinsmurar er noko av det flottaste eg veit, og ikkje minst gamle kvelvingsbruer mura i gråstein. Planen min har lenge vore å byrje fotografere desse fantastiske byggverka, og i dag gjekk turen til brufotografering i nærområdet. Det er ikkje mange som susar forbi desse monumenta på gamal byggekunst mellom Eid og Stryn som legg merke til og tenkjer over kva slit og arbeid det har vore og lage desse solide murane. Vi skal hugse på at det er ikkje lenger enn ca 30 år sidan svære trailarar dundra over desse bruene. Dei eldste er riktignok frå Den Trondhjemske Postvegen i Markane, men likevel.
Ingen kommentarer:
Legg inn en kommentar